Uncategorized

“اتجوزها في البلد عشان يرضي عمه وخدها معاه عشان تعيش في الفيلا بتاعه مع مراته الأولى على أنها بنت

ورد بخوف: ححححاضر يا خالي….. حاضر هعمل غيرو.
انصرف ممدوح وجلس زافراً بغضب وضيق فزوجته وابنته يعيقانه عنها.
بالداخل شدت منيرة على شعر ورد من خلف حجابها فبكت الأخرى متألمة:
منيرة بصياح: بقى بتكبي الأكل يا روح أمك طيب عقاباً ليكي مفيش عشا النهارده كمان ووريني هتعملي إيه.. يلا إخلصي غوري عملي أكل غير اللي كبتيه دة.. وانتي يا سميحة إطلعي برة هي هتعمل الأكل كله لوحدها تاني ملمحش ضلك هنا يلا قدامي.
سميحة: يا أما بس………
منيرة بصياح: جاتك مو إخلصي إمشي شوفي مذاكرتك.. إخلصي.
سميحة بقلة حيلة وهي تنظر بإشفاق لورد: حاضر يا أما حاضر…..
ذهبت سميحة لغرفتها لتتابع مذاكرتها وخرجت منيرة من المطبخ بعد أن ألقت نظرة استحقار لورد.
أما تلك المسكينة فكانت تعيد طهي الطعام لهم بعجل وهي تبكي وتشهق بعنف على حالها.
وبعد ساعة كانت الطاولة قد أعدت بالطعام فجلسوا يتناولون الطعام وسط غيابها فها هى قد حرمت من وجبة العشاء كالعادة.
وكان ممدوح يريد أن يدخل لها الطعام ولكنه توقف عن تلك الفكرة حتى لا يثير شكوك زوجته.
بالداخل انتهت ورد من صلاة العشاء وسط بكائها وتضرعها إلى الله بأن يصبرها على ذلك الابتلاء..
جلست أرضاً على فراشها وسحبت المجلة من تحت الوسادة وأخذت تتطلع إليها كعادتها.
ورد من بين بكائها أخذت تشكو إليه حالها وكأنه معها يسمعها ويراها:
سليم أنا خايفة أوي….. خالي عاوز….. عاوز….. الحقني منه والنبي يا سليم يا رب يعترك فيا وتيجي تريحني من العذاب دة….. يا رب صبرني على ما بليتني يا رب..
بعد بعض الوقت قامت ورد واتجهت ناحية الباب وقامت بغلقه كالعادة بالمفتاح ثم اتجهت ناحية الفراش وتمددت عليه بتعب وفجأة أصدرت معدتها أصوات دلالة على الجوع.
ورد بتذمر وهى تضع يدها على بطنها تقول بطفولية:
وبعدين معاكي جعانة يا ستى طيب إستنى هنام دلوقتي وهناكل رز مع الملايكة ولا تزعلي.. يلا تصبحي على خير.
وبعد دقائق ذهبت ورد في سبات عميق…
بعد منتصف الليل سحب خالها من جانب منيرة وذهب خارج الغرفة وتوجه ناحية غرفة ورد ومسك بمقبض الباب ليفتحه فوجده مغلق كالعادة.
ممدوح بغيظ: بردو قافلاه.. ماشي هتروحى منى فين.. بت فقر مش عارف أستفاد منك بحاجة أبداً.
قال ذلك ثم عاد إلى غرفته يجر أذيال الخيبة.
أما بالداخل كانت تلك البريئة تبتسم أثناء نومها فهى كعادتها تحلم بمعشوقها كل ليلة وتبتسم إبتسامة سرقها منها الزمن.
في صباح اليوم التالي فى قسم الشرطة بينما كان مراد يراجع بعض القضايا دلف عمر قائلاً:
إبسط يا عم لقينا مكان مرات عابدين………
هب واقفا ينظر إلى عمر بصدمة ممزوجة ببعض السعادة.
مراد: بتقول إيه يا عمر عيد اللي قولته تاني كدة؟
عمر بضحك: إيه يا عم مالك ودانك تقلت ولا إيه بقولك الرجالة بتوعنا اللي كلفناهم بمهمة البحث عنها لقوها.
مراد: بجد الحمد لله يا رب أخيراً حق أبويا هيرجع.
عمر: هتعمل إيه لازم يكون عندك إذن بالتفتيش.
مراد: أنا لا هعمل أذن بتفتيش ولا يحزنون.
عمر: أومال هتعمل إيه يا نبيه عصرك؟
مراد: هتشوف أدينى قاعد بقالي 6 شهور مش عارف أخد حق أبويا.. المهم هى عايشة لوحدها ولا حد معاها ولادها مثلاً؟
عمر: لا إطمن عايشة لوحدها هي أصلاً مش معاها غير ابن واحد بس.
مراد بغل: ابن ال يقع في إيدي بس.. المهم دلوقتي بعد ما أخلص شغلي هنا علشان ملفتش الانتباه.
عمر: ماشي يا صاحبي بس أنا هاجي معاك.
مراد: لا متجيش يا عمر أنا هروح لوحدي.
عمر: بقولك إيه يا أما أروح معاك يا إما أروح أقول للواء.
مراد بغضب: نعم يا روح أمك.. عمر إتعدل معايا لأعدلك.
عمر: ولزمتها إيه بس الغلط يا صاحبي.
مراد متداركاً نفسه: أنا آسف يا عمر إتعصبت ومخدتش بالي.
عمر: أنا مش زعلان منك يا مراد.. وعلشان عصبيتك وتهورك دة لازم أروح معاك.. ها قولت إيه؟
مراد باسترالام: قولت لا إله إلا الله.. ماشي يا عمر روح معايا.. يا سلام عليك إنت وسليم لما ترخموا بتبقوا حاجة لا تطاق.
عمر بضحك: هههههه ماشي مقبولة منك يا صاحبي.
مراد: طيب يلا يا أخويا على مكتبك مش عاوزين حد يشك في حاجة.. أنا الود ودي أروح دلوقتي بس نصبر ومالو الصبر حلو بردو.
عمر: ماشي يا ميرو يلا سلام.
مراد: إمشي يا عمر إمشي بدل ما أجي أفش خلقى فيك.
عمر: وعلى إيه الطيب أحسن.. أشوفك بعدين يا صاحبي.
خرج عمر من المكتب فتنهد مراد قائلاً:
أخيراً يا بابا همسك أول خيط في القضية وهاخد بحقك يا حبيبي…….
قال ذلك وشرد في تلك الذكرى المشؤومة:
(Flash Back)
منذ ستة أشهر كان مراد خارجاً هو ووالده من الشركة وعند وصولهم إلى السيارة قام أحد القناصة بطلق النار على والده فوقع أرضاً في الحال.
أما هو نظر بصدمة لوالده الجاثي أرضاً وبسرعة توجه إليه وأسنده من الخلف قائلاً بدموع:
بابا بابا قوم.. قوم يا حبيبي….. متسبناش يا بابا أرجوك.. يا ناس حد يجيب إسعاف…. حد يجيب إسعاف….. بابا خليك معايا.. خليك معايا والنبي….. متقفلش عينك……
محمد بأنفاس متقطعة: خلى بالك من أمك وأختك…..
مراد: لا لا إسكب اسكت متتكلمش.. يا رب… يا رب…..
بعد عدة دقائق وصلت الإسعاف وتم نقله إلى المشفى ومن ثم إلى غرفة العمليات…..
جاءت والدته تركض في الطرقة برفقة تسنيم والبقية بعد أن أخبرهم فريد بذلك الخبر..
أمينة ببكاء: أبوك جراله إيه يا مراد رد عليا رد عليا.
فريد: إهدى يا أمينة مش كدة الله.. أخويا إصاب برصاصة وهو جوة في العمليات إدعيله.
تسنيم ببكاء: لا لا بابا يا مراد بابا أنا عاوزة بابا.
معتز: إهدى يا تسنيم مش كدة.
ظل الجميع يقفون في صمت ويدعون ربهم بالبكاء والدموع أن يحفظ محمد لهم.
بعد ساعتين خرج الطبيب من غرفة العمليات فركض الجميع إليه يسألوه بأمل.
مراد: بابا عامل إيه أرجوك طمنا يا دكتور.
الدكتور بحزن: إحنا عملنا اللي علينا بس للأسف المريض مات البقاء لله.
إنهارت أمينة وفقدت وعيها في الحال فجرت عليها فاطمة وزينة وبعد وقت فاقت من إغمائها ولكنها انخرطت في البكاء….
وتسنيم التي انهارت في أحضان زوجها.
مراد بضياع: إنت بتقول إيه بابا ما ماتش بابا عايش.. أوعى أنا داخلة.. إنت كداب.
دلف مراد إلى الداخل ووجد والده مغطى بغطاء أبيض.
ذهب إليه وكشف وجهه وانهار باكياً على صدره:
بابا قوم يا بابا….. متسبناش أرجوك متسبناش قوم ماما برة بتعيط وتسنيم كمان عاوزينك يا بابا قوم….. آااااه يا بابا اااه….
فريد بدموع وتماسك: وحد الله يا ابنى مش كدة…
مراد: بابا راح يا عمي بابا راح…..
فريد: إدعيله يا ابنى إدعيله هو عند اللي خلقه اللي أحن عليه مننا.. قوم يا ابني إنت سند أمك دلوقتي هى محتاجالك وكمان تسنيم.. فين مراد الظابط؟
مراد: أنا ظهري إتكسر يا عمي أنا بقوى بيه.
فريد: ما تقولش كدة أومال أمك وأختك يقولوا إيه خليك متماسك علشانهم……
حزن الجميع على موت والد مراد وقاموا بفتح تحقيق لكشف ملابسات الحادث.
وأقيم عزاء لمحمد حضره الضباط ورجال الأعمال ممن يعرفونه.
وبعد انتهاء العزاء بأيام قليلة كان مراد يجلس في غرفته منزوياً لا يريد رؤية أحد..
جاءه اتصال هاتفي برقم غريب فأجاب ووضعه على أذنه:
المتصل بشر: يا رب تكون إتعلمت الدرس كويس يا….. يا حضرة الرائد….. أدى جزات اللي يقف في طريقي….. واه البقية في حياتك…. حرص من اللي جاي…..
مراد: مين معايا مين اللي بيتكلم؟
ولكنه أغلق الهاتف فجن جنون مراد الذي أخذ يكسر في أي شئ تقابله يداه وأخذ يصيح عالياً: يا ولاد ال.. والله لأوريكوا….. تقعوا في إيدي يا حيوانات بس….. يا ولاد ال..
أظلمت عيناه وامتلاكت بالحقد والغضب تجاه هؤلاء الذين تسببوا في مقتل والده…
ومنذ تلك اللحظة وهو يتوعد إليهم بالانتقام.
(End of Flash Back)
عاد من ذاكرته إلى الواقع ولاحظ تساقط دموعه فقام بمسحها على الفور قائلاً:
ربنا يرحمك يا حبيبي….. متقلقش يا بابا حقك هيرجع ولو هيكلفني موتي.
قال ذلك ثم عاد لمتابعة عمله المنكب عليه.
في فيلا حامد الداغر في غرفة نوم مصطفى..
يقف أمام المرآة يصفف شعره استعداداً للذهاب إلى العمل.
كانت ندى تقف بمقربة من السرير سارحة في مظهره وطلته الوسيمة وهي تحمل سليم الصغير وتسير به ذهاباً وإياباً لعله يتوقف عن البكاء الذي يبدو إنه متعب.
ندى بقلق: مالك يا روحي فيك إيه مصطفى! سليم شكله تعبان النهارده تعال معايا نوديه للدكتور.
مصطفى: روحى مع أمي أنا مش فاضي ورايا شغل.
ندى ببعض الغضب: إنت بتقول إيه ابنك تعبان وتقولي روحي مع أمي؟
مصطفى بغضب وهو يمسك ذراعها بقوة ألمتها وسط صراخ طفلها:
بقولك إيه صوتك دة ميعلاش تاني إنتي سامعة؟
ندى بتألم: حاضر حاضر بس سيبني الولد بيعيط.
تركها مبتعداً عنها وأخذ متعلقاته ونزل للأسفل.
ندى بدموع: بس يا روح ماما إنت حاضر هنروح للدكتور يلا يا حبيبي.. إستنى بس هلف الطرحة.
وضعت ندى في سريره وأمسكته لعبة حتى لا يبكي.. وبعد أن انتهت نزلت إلى الأسفل فوجدتها صفاء.
صفاء بقلق: مالك يا حبيبتي معيطة ليه وماله سليم كمان؟
ندى: سليم مش عارفة ماله عمال يصرخ ومش راضي يسكت أبداً.
صفاء: طيب يا بنتي إستني في العربية على ما أجهز وأجيلك بسرعة.
ندى: حاضر يا ماما..
ذهبوا إلى الطبيب وبعد فحصه له.
ندى بقلق: خير يا دكتور طمني ماله سليم؟
الدكتور: متقلقش هو بس عنده حمى داخلية وضربتله حقنة وشوية ويكون كويس.. أنا كتبته على حقنتين كمان ياخدهم واحدة بالليل وواحدة في الصباح التاني إن شاء الله.
ندى: يعني هو كويس يا دكتور أومال بيعيط ليه؟
الدكتور: دة نتيجة السخونية مش أكتر على العموم شوية وهيكون كويس.
صفاء: إن شاء الله.. شكراً يا ابني تعبناك معانا.
الدكتور: العفو.. دة واجبي.
صفاء: يلا بينا يا بنتي.
بعد ذلك صعدوا إلى السيارة ثم انطلقوا عائدين إلى الفيلا.
عند حامد ومصطفى في الشركة:
حامد بغضب: فين الأستاذ سليم مشرفش ليه لحد دلوقتي؟
مصطفى بإرتباك: أاا مممم.. أصل.. أصل…..
حامد: أصل إيه البيه أكيد كان سهران سهرة من سهرات الذبالة اللي زيها.. تقب وتغطس دلوقتي وتجيبوهلي مطرح ما هو موجود.
مصطفى: حاضر يا بابا بعد إذنك..
خرج مصطفى من مكتب والده ويقوم بالاتصال على سليم قائلاً بغيظ:
الزفت دة مش هيتعلم أبداً وبتيجي على راسي أنا.
على الجانب الآخر كان سليم نائماً إلى جوار ميس في أحد الشقق.
استيقظت ميس قائلة بتأفف وهي توكز سليم من كتفه:
سليم….. أوف….. سليم إصحى تليفونك بيرن.
سليم بنعاس: أيوا في إيه؟

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى