“اتجوزها في البلد عشان يرضي عمه وخدها معاه عشان تعيش في الفيلا بتاعه مع مراته الأولى على أنها بنت

عمر: بس مقولتليش فين الواد سليم مش باين اليومين دول؟
مراد: أبدا يا سيدي كان في لندن ورجع في صفقة تبعهم في الشغل.
عمر: ابن الأيه تلاقيه زاط في الزيطة هناك ابن المحظوظة.. خلينا إحنا هنا بوزنا في بوز بعض كدة.
مراد بضحك: والله العظيم إنت فظيع.. قوم روح شوف وراك إيه قوم.
عمر: ماشي يا صاحبي أشوفك بعدين سلام دلوقتي.
مراد: سلام يا اخويا وخد الباب في إيدك.
عمر: ماشي يا عمنا.
في أحد الأحياء الشعبية فى أحد الشقق البسيطة تجلس لمار على كرسي وبيدها مقص تقوم بقص تصميمها الجديد..
لمار: الحمد لله بيع شوية الفساتين دول على المعاش بتاع أمي هيمشيني لآخر الشهر وهيكفي إن شاء الله..
تركت المقص من يدها بفزع حينما رن جرس الباب فاتجهت بحذر ناحية الباب.
لمار بصوت مهتز: ممين؟
عواطف: إفتحى يا دلعدى دة أنا مرات أبوقك.
لمار: عاوزة إيه؟
عواطف بإستنكار: شوفى البت بجحة إزاي.. يا بت إفتحى هو أنا هاكلك؟
تأففت لمار بضيق وقامت بفتح الباب فدلفت الأخرى على الفور.
لمار: أهلاً بكي يا مرات أبوي إيه اللي فكرك بيا؟
عواطف: أبوكي يا اختي اللي قالي أشقر عليكي الحق عليا.
لمار: شكراً لتعبك تحبي تشربي حاجة؟
عواطف: لا يا أختي أنا همشى دلوقتي بس جاية أخد الأمانة اللي أبوج سابها هنا.
لمار بإستغراب: أمانة! أمانة إيه دي؟
عواطف وهى تتجه إلى الداخل ثم بعد ذلك تعود وبيدها كيس أسود ملفوف.
لمار: إيه دة وبعدين أبوي مقليش حاجة عنها..
عواطف: دي حاجة تبع الشغل بتاعه يا عنيا وخباها هنا علشان دة مكان آمن محدش يقدر يتوقعه.
لمار: ليه هو الكيس دة فيه إيه؟
عواطف: هيكون فيه إيه هروين يا عنيا.
لمار بصدمة: إيه بتقولي هروين يا مصيبتي.. وحاطينو عندى ليه عاوزين تلبسوني مصيبة حرام عليكوا ربنا ينتقم منكم عملتلكم إيه أنا.. سيبتلكم حياتكم الوسخة دي وبعدت عنكم وعايشة بما يرضى ربنا وانتوا برضوا جايبين الذنب دة ومخلينو هنا معايا.. أعمل إيه علشان أريحكم مني ها أعملكم إيه؟
عواطف: بت إنتي إتلمى بدل ما ألمك.. عاجبك تعيشى عيشتنا أهلاً وسهلاً مش عاجبك أبوكي يجيب رقبتك علطول إحنا مش ناقصين تعطيل مصالح.
لمار بصراخ: إطلعى برة…. إطلعى برة.. حرام عليكوا حرام…. مش عاوزة أشوفك ولا عاوزة أشوف أبويا.. مش عاوزة.. مش عاوزة…. إطلعى برة… إطلعى..
قامت عواطف بدس الكيس في ملابسها ثم قالت بسخرية:
هطلع يا أختى قال هطلع من الجنة……
خرجت عواطف ثم صفعت لمار الباب خلفها ثم انهارت أرضاً تبكي بشدة قائلة:
يارب سامحنى والله ما كنت أعرف.. يارب أحميني من شرهم يا رب…. يارب………..
أخذت تبكي إلى أن غفت في مكانها…
في شركة حامد الداغر فى مكتب سليم القابع على مكتبه منكب على مجموعة من الأوراق يراجعها.
رفع رأسه حينما دلفت ميس إلى المكتب تتبختر في مشيتها بملابسها المكشوفة ومكياجها الصارخ.
سليم ببرود: ممكن أعرف جاية ليه هنا دة مكان شغل.
ميس: إخس عليك يا سليم بقى دى المقابلة اللي تقابلها لخطيبتك بردو.
سليم: ميس ما تلفيش كتير أظن إنك عارفانى كويس أوي وعارفة كمان إنى ما بحبش حد يقاطعني وأنا بشتغل.
ميس: طيب هنتقابل النهارده ولا إيه؟
سليم: لما أشوف هخلص شغل وهقولك.
ميس: لا مليش دعوة علشان خاطري يا سليم وافق وأوعدك إنك مش هتندم صدقني.
سليم: وأنا قلت هخلص شغل وأشوف مواعيدى وأرد عليكي.
ميس بغيظ: ماشي يا سليم هسيبك تخلص شغل وأنا همشي أروح للفرندز بتوعي..
مالت عليه تقبله ثم اعتذلت قائلة: تشاو أشوفك بعدين يا بيبي.
قالت ذلك ثم غادرت المكان وعاد سليم يتابع عمله بتأفف منها ومن تصرفاتها فهو كوالده وافق عندما أخبره إنه سيستفاد من والدها في العمل وسيقدم له الكثير من الخدمات.. فالزواج منها سيحقق كل ذلك وهو لا يمانع أبدا فهى جميلة يقضى معها بعض الأوقات الحميمية فلا مانع أبدا لديه فى إرضاء رغباته ووالده معا…………………………. …………..
ليلاً فى فيلا فريد المنشاوي وبالتحديد في غرفة زينة الواقفة بتأفف أمام والدتها.
فاطمة: أعمل فيكي إيه ها أعمل إيه؟
زينة: يووووه يا ماما عادى بقى الله.
فاطمة بغضب: خارجة من الصبح وقولتى إنك هترجعي بدري فين بدري دة يا هانم ها ما تردي.
زينة: يا ماما هو أنا جيتلك نص الليل دى الساعة سبعة.
فاطمة: ولما تغيبي من ثمانية لسبعة ومترديش على تليفوناتي تسمى دة إيه؟.. أنا داريت عليكي المرة دي قدام بابكي وأخوكى المرة الجاية مش هتحمل تصرفاتك إنتى فاهمة؟
زينة: مفهوم يا مامى مفهوم.
فاطمة: إياكى تعوديها بعوايدك تانى إفضلي غيري هدومك علشان تتعشي.
زينة: ومراد جه ولا لسة؟
فاطمة: لا يا أختي لسة ما جاشي بدل ما إنتي بتتصرمحيلى من هنا وهناك.. إعمليلك حاجة يا أختي إتحرقي بدل ما واحدة تخطفه منك.
زينة بشر: يبقى حفرت قبرها بايدها اللي هتقربلو يا ويلها ويا سواد ليلها.
فاطمة: أما نشوف يلا يا حبيبتي دلوقتي أنا هروح أنزل للجماعة المستنيين تحت دول وإبقى حصليني.
زينة: ماشي يا بطة يا جميل إنت.
في أحد المناطق البعيدة عن الأعين يجلس محسن وإلى جواره والده.
محسن: وبعدين يا أبا هنفضل مدارين كدة زي الحريم لحد إمتى؟
عابدين: لحد ما العين تخف من علينا يا خفيف ولا إنت عاوز تتسجن.. إنت ناسي عملتك المهببة؟
محسن: لا يا أبا مش ناسي وبعدين دي كانت أوامر الريس الكبير علشان الظابط اللي ما يتسمى يخف علينا.
عابدين: خلينا هنا إحنا في أمان لحد ما يقولنا الريس هيعمل إيه.
محسن: طيب وشغلنا يا أبا وحالنا اللي هيتعطل دة.
عابدين: متقلقش أمك هتعمل المطلوب أنا بعتلها الواد بلية وقولتله يخليها تروح تجيب الأمانة اللي عند البت لمار علشان تتصرف فيها وهتجبلنا الفلوس.
محسن: وانت مش لاقي غير الزفتة دي تودي الحجات دي عندها؟
عابدين: يا غبي علشان محدش يعرف عنها حاجة وأنا أصلاً خفيتها عندها من غير ما تعرف.
محسن: ماشي يا أبا بس أنا البت دي مش مرتاح لها دى راسمة دور الشيخة وعايشة على معاش أمها ورافضة تاخد أي فلوس مننا قال إيه فلوس حرام بكون عاوز أحش رقبتها علشان أخلص منها ونرتاح.
عابدين: سيبها أهى نفعانا أحسن من بلاش.. ومتخافش متقدرش تتكلم لإنها عارفة كويس أنا هعمل فيها إيه.
محسن: ماشي يا أبا لما نشوف.
عابدين: طيب قوم أعملنا حاجة ناكلها.
محسن: ماشي يا أبا رايح أهو.
في شقة ممدوح كانت ورد تقوم بتجهيز الطعام لهم وأثناء سكبها للطعام في الأطباق دلف خالها إلى المطبخ فقام بسحبها من خصرها ناحيته فشهقت بفزع وهي تحاول إبعاد يديه عنها قائلة برعب:
خالي حرام عليك إنت بتعمل إيه سيبني في حالي الله يخليك.
ممدوح: إخرسى ما إسمعش صوتك.
ورد ببكاء وهي تحاول الخلاص منه: خالي عيب أنا بنت أختك.. حرام عليك خاف ربنا.. حرام.. والنبي يا خالي….. سيبني..
ممدوح: مش قادر أبعد مش عارف بتعملي فيا إيه كل أما أشوفك ومستنى اللحظة اللي هتجمعني بيكي بفارغ الصبر.
هلعت ورد من كلماته تلك فقام بالصراخ تفاجئ ممدوح من ردة فعلها تلك فهي عادة ما تصمت خوفاً منه.. فأخذ يفكر بسرعة في حل.. لمعت فكرة في عقله فقام بتنفيذها على الفور.
ابتعد عنها وقام بسكب الطعام على الأرض..
جاءت سميحة ومنيرة على صراخ ورد..
سميحة وهي تخلص ورد من يد والدها: حرام عليك يا أبا سيب البت هتموت في إيدك.
ممدوح بغضب: حرمت عليها عيشتها الهانم كبت الأكل اللي هنتعشى بيه.
سميحة: خلاص مش مشكلة يا أبا نعمل غيره.
ممدوح بغضب: ليه قاعدة في تكية أبوها هنا في ظرف نص ساعة لو متعملش الأكل يبقى قولي على نفسك يا رحمن يا رحيم.



