عقارب الساعة تشير للخامسة صباحاً بينما جاء حارس السجن يفتح الباب وينادي عليها. استيقظت في ذعر من نومها على صوته القوي وسط سكون الليل، وقالت له: “إيه يا حضرة الصول، دلوقتي خلاص؟” أشار إليها بنعم.
فقالت له: “من ساعة وأنا كل ليلة بقوم من النوم مفزوعة خوف من اللحظة دي.. يلا علشان مأمور السجن مستنيكي تحت.”
“طيب، ممكن أتوضأ وأصلي؟”
“هننزل تحت الأول، وهو هيسمحلك تصلي وتطلبي كل اللي انتي عاوزاه.”
“حاضر.” وتبكي وتقول: “أنا مظلومة.. أنا مظلومة.. هما السبب.. والله هما السبب.”
نزلت أحلام ثم أدخلها المأمور حجرة خالية لتصلي.
وقفت أحلام تصلي في خشوع وتتذلل لربها بأن يغفر لها ويرحمها حتى أنهت صلاتها.
قال لها مأمور السجن: “عوزة حاجة قبل النهاية؟ مش باقي إلا أقل من ساعة.”
“عاوزاكم تسمعوني وتعرفوا اللي حصل، وتقولولي لو أي حد منكم مكاني كان عمل إيه؟”
“إحنا كلنا عارفين حكايتك.”
“يبقي ليا طلب واحد بس.”
“إيه هو؟”
“أسجل بصوتي حكايتي.. علشان لو حصل لي حاجة يفضل صوتي موجود ويحكي حكايتي لكل الناس.”
وبعد رجاء طويل منها، وافق المأمور وبدأ أحد رجال الشرطة في تسجيل قصتها بصوتها كما طلبت:
“اتخطبت وتجوزت ومحدش فيهم رجع يحضر فرحي!!
علاء كان شخص طيب أوي وبيقني أوي، وبيغير عليا لدرجة أنه رفض إني أشتغل. وفعلاً قعدت في البيت وخلفنا بنتين توأم (ريتاج وريماس) بعد جوازنا بسنة. لما علاء كان بيحس إني محتاجة حاجة كان بيجيبها حتى قبل ما أطلبها، وكان بيقضي وقت كبير بره البيت في شغله، فكنت دايمًا أجهز الأكل لغاية ما يرجع.
من شدة حبي ليه ومعاملته معايا، كنت بغير عليه أوي، وكنت بفتش في تليفونه قدامه وهو يقعد يضحك ويقولي: ‘فتشي براحتك يا حبيبتي أنا واثق من نفسي.’ قعدنا كده حوالي 4 سنين كلهم حب ومكنش فيه مشاكل بينا.
لحد ما في يوم جالي تليفون من رقم غريب، ولما رديت لقيت واحدة بتقولي إن زوجي عمل حادثة وهو في الرعاية المركزة! انهرت وجريت على المستشفى ودعيت ربنا ينجيه.. والحمد لله ربنا نجاه، لكن كانت الصدمة إن الكسور اللي حصلت له هتخليه مشيئته تتأثر وأنه هيحتاج فترة علاج طويلة وعجز مؤقت في الحركة لفترة سنتين على الأقل.
فضلت مع علاء في المستشفى كتير أهون عليه، لحد ما الفلوس اللي معانا خلصت. كان الحل الوحيد إني لازم أشتغل، وفعلاً وافق مرغم علشان الظروف الجديدة. قدمت في شركة كبيرة وربنا كرممني بمرتب كبير جداً ساعدنا نغير حياتنا للأحسن، خصوصاً بعد ما خرج من المستشفى واحتجنا مصاريف علاج ومدارس للبنات.
مرت السنين وبدأت أحس بفجوة بيني وبين بناتي بسبب انشغالي، وكمان بدأت ألاحظ تغيرات غريبة ومكالمات كثيرة تخص علاء.. لحد ما اكتشفت بالصدفة عبر الهاتف أن هناك حياة أخرى يخفيها عني، وأنه بعد كل ما ضحيت به، وتعبت عشانه، ووفرت له كل سبل الراحة والمشروع الخاص، كان يخون الثقة!
الصدمة كانت أكبر من أني أتحملها؛ ضيعت عمري وشبابي ومالي ومجهودي في خدمته، وفي الآخر كانت النتائج قاسية. حاولت أواجهه لكن لساني عجز، وتراكمت المشاعر حتى حدثت المشاكل الكبرى التي أدت بنا إلى ساحات القضاء والفراق المأساوي الذي جعلني أقف هنا اليوم.”
سألها مأمور السجن: “مش ندمانة على اللي حصل بعد ما عرفتي؟”
ردت وقالت: “مش ندمانة على حبي ولا إخلاصي، لكن ندمانة إني ضيعت نفسي عشان ناس مكنتش تقدر التضحية.. كان لازم الكل يعرف أنا وصلت للحالة دي ليه، وكل رجل أو ست تسمع حكايتي تقولي: لو مكاني، هل كان هيقدر يستحمل؟”
النهاية.
“هذه القصة من وحي خيال الكاتب، وأي تشابه بينها وبين الواقع في الأسماء أو الأحداث هو محض صدفة غير مقصودة.”
