“اتجوزها في البلد عشان يرضي عمه وخدها معاه عشان تعيش في الفيلا بتاعه مع مراته الأولى على أنها بنت

كعادته الصباحية يمارس تمارينه الرياضية. عيناه ممتلئة بلهيب إنتقام يسعى لتحقيقه ولن يهدأ له بال إلا بالتأر من هؤلاء اللذين حرموه من والده ولم يحرموه فقط بل حرموا زوجة وولديها من حنان ذلك الأب. وكلما مر يوم وهؤلاء بعيد عن قبضة يزداد حقده وغضبه تجاههم فقد سلبوا منه أعز شخص وعليهم دفع ثمن ذلك غاليا.

بعد فترة طويلة من الركض يدلف إلى الفيلا التي يقطن بها ثم صعد إلى غرفته ثم دلف إلى الحمام يغتسل وبعد مدة خرج وهو يلف منشفة حول جزعه السفلي.
توجه لغرفة الملابس وقام بإخراج ملابسه وقام بارتدائها ثم وقف امام المرآة وقام بتسريح شعره نثر عطره المفضل وبعد ذلك نزل إلى الأسفل …….
وجد الجميع يتناولون الإفطار فألقى عليهم تحية الصباح ثم جلس يتناول حصته من وجبة الإفطار.
أمينة: صباح الخير يا حبيبي. إقعد إفطر قبل ما تمشي.
مراد: حاضر يا ماما.
ثم نظر إلى الطفلة ذو العام الواحد القابعة في أحضان والدتها. ابتسم لها بحنان قائلا:
وبيبة حبيبة خالها عاملة إيه النهارده؟
تسنيم: كويسة يا خالو. ربنا يخليك يا حبيبي. خفت بعد ما أدناها الحقنة بس ما نامتش طول الليل وهى تصرخ بس الحمد لله دلوقتى زي الفل. …..كلمى خالو يا بيبة. ..
حبيبة بطفولة: با… بابا… بابا..
معتز: إيه يا حبيبة بابا تعالى.
حملها معتز وأخذ يداعبها وهي تبتسم له بسعادة.
مراد: بقى كدة يا حبيبة ماشى أما أرجعلك.
فريد: هتخلص شغل بدري النهارده يا مراد علشان تحضر افتتاح الشركة الجديدة؟
مراد: والله يا عمي مش عارف هخلص امتى بس مش مهم وجودي كفاية حضرتك يا عمي ومعتز كمان.
فريد: لا هيفرق. وجودك مهم زيك زينا بالظبط.
مراد: حاضر يا عمي هحاول أبدل النبطشية مع أي حد من صحابي وأجي. عن إذنكم مضطر أمشي دلوقتي.
أمينة بتماسك: خلي بالك من نفسك يا عمري. لا إله إلا الله.
مراد: محمد رسول الله يا أمي. سلام.
خرج مراد من الفيلا وصعد إلى سيارته منطلقاً إلى عمله.
بالداخل جلست أمينة بحزن ودموع فهي كل يوم عند خروج مراد تضع يدها على قلبها بقلق حتى يعود إليها سالماً. فهى تخاف من فقدانه كما فقدت زوجها العزيز على يد هؤلاء المجرمين الذين انعدمت ضمائرهم.
فاطمة: وبعدين معاكي يا أمينة كل يوم كدة يا ستى ما هو كويس أهو. قصدي إن ربنا حاميه. متقلقيش.
أمينة: مش بإيدي يا فاطمة صدقيني مش بإيدي. أنا بخاف عليه لا ما يرجعش زى أبوه.
زينة مربتة على ظهرها بحنان: متقلقيش يا مرات عمي إن شاء الله هيكون كويس مراد قدها وقدود.
أمينة: يا رب يا بنتى يا رب.
فريد: يلا يا معتز علشان نمشي إحنا كمان.
معتز: حاضر يا بابا. خدى يا تسنيم بيبة هانم.
تسنيم: تعالى يا حبيبة. تعالى يا روح ماما خلى بابا يروح الشغل.
معتز مقبلاً تسنيم على جبينها قائلاً: خدوا بالكو من نفسكم.
ثم قبل يد والدته قائلاً: سلام يا ماما.
سلام يا مرات عمي. سلام يا زينة.
الجميع: سلام.
بعد رحيل فريد ومعتز:
زينة: وأنا كمان يا مامى رايحة النادي مع أصحابي.
فاطمة: ماشي بس ما تتأخريش.
زينة: حاضر يا ماما يلا سلام. وبعد أن رحلت.
فاطمة: تعالى يا أمينة نقعد برة في الجنينة. الخضرا هتريح أعصابك.
أمينة: ماشي يا فاطمة.
تسنيم: وأنا هروح أغير للعفريتة دي أصلها عملتها وغدرت بيا البرنسيس………..
في مكان بعيد تماماً في أحد المناطق الشعبية في أحد الأحياء وبالتحديد في شقة متهالكة وفي أحد الغرف.
على الأرضية القاسية وذاك الفراش المتهالك تستيقظ تلك الجميلة النحيلة ذو الوجه الذابل وتفرك عينيها بطفولية ثم فتحت عينيها فظهر ذلك العشب الأخضر.
جلست نصف جلسة وأخذت تتثاءب بتعب قائلة: آه عينيكي يا ورد وعلى شبابك آه يا ضهري يا أنا.. منك لله يا مرات خالي منك لله مش كنتي تجيبيلى سرير أنام عليه بدل نومة الأرض اللي تقصف الضهر دي.
ثم مدت يدها تحت الوسادة وسحبت من تحتها مجلة ونظرت للشخص الذي يزين الغلاف بوعسامته المعتادة.
أخذت تتأمله بشغف وسعادة وما لبثت أن تنهدت بحزن وهي تضم المجلة إلى صدرها قائلة:
إمتى بقى هاجى تاخدنى يا سليم من هنا؟
أنا مستنياك من زمان أوي بس إنت مش راضي تيجى زي ما بابا قالي زمان الله يرحمه…
ثم امتلاءت عينيها بالدموع وقالت بصوت مخنوق من البكاء تشكو حالها إليه وكأنه أمامها:
خالي بيضربني أوي وكمان…. وكمان مرات خالي…. تعالى خدني والنبي……..
وضعت المجلة بسرعة تحت الوسادة ومسحت دموعها بسرعة حينما تعالت الطرقات على باب الغرفة فقامت من مكانها وقامت بفتح الباب فدلفت سميحة ابنة خاها التي قالت:
نفسي أعرف بتقفلي على نفسك ليه بالمفتاح يكونش هتتخطفى من وسطينا؟
ورد بإرتباك: ها لا أبداً….. أصل… أصل.. بخاف من خالي ليضربني أو مرات خالي.
سميحة بإشفاق: يا حبيبتي يا ورد سامحيني مش بإيدي حاجة أعملها والله…
ثم قالت بمرح لتغيير الموضوع:
وبعدين يا جولييت فيكي وفى سي روميو بتاعك دة.. مش هتبطلى أبداً بحلقة في المجلة فى صورته دي.. آه لو منيرة عرفت آه…
ورد بفزع: لا لا والنبي بلاش دى هتديني علقة موت.
سيبك منها أنا كنت عاوزة أذكرك علشان أديتني اللاب توب بتاعك دة أسمع عليه دروس الفقه.. حلوة أوي أوي يا سميحة.
سميحة: ولا يهمك يا ستى أي خدمة فى أي وقت تحتاجيه قوليلى وأنا هبقى أشتغل الفيديوهات اللي إنتى عاوزاها.
ورد بحزن: يا بختك يا سميحة بتروحى الجامعة هى حلوة؟
سميحة بإشفاق: آه يا حبيبتى حلوة..
ثم أضافت بمرح:
بس المذاكرة تخليكي تلعني اليوم اللي شوفتي فيه الجامعة.. يلا يا ستي دلوقت قومي علشان تفطري.
ورد: حاضر يا سميحة.
شهقت بخوف حينما دلفت منيرة إلى الغرفة بوجهها الغاضب صائحة بسخرية:
الله الله والله عال.. لا مينفعش كدة إستنى أما أروح أجيبلك فطار ودي تيجي..
ثم صاحت بغضب: قومي يا روح أمك شوفي وراكي إيه وإعمليه بدل ما أرنك علقة ع الصبح كدة.
ورد: حححاضر…. حاضر يا مرات خالي أنا قايمة أهو علطول.
قالت ذلك ثم خرجت بسرعة إلى الخارج تقوم بأداء المهام المنزلية.
سميحة: حرام عليكي يا أما ما يصحش كدة دى البت بتبقى زي الفار المبلول يا أما براحة عليها.
منيرة: بقولك إيه يا بنت بطنى لمى الدور على الصبح وروحى شوفي مذاكرتك على ما أروح أشوف مقصوفة الرقبة بتهبب إيه.. وقعة أمها سودة لو غلطت فى حاجة المرة دي.
ثم تركتها ورحلت فتأففت سميحة بضيق قائلة: ربنا يهديكي يا أما وتخفي ع البت شوية.
بالخارج كانت ورد فى المطبخ تقوم بغسيل الأطباق فدلفت زوجة خالها تصيح:
إخلصي بلاش لكاعة علشان تمسحي الشقة بعد ما تخلصي المطبخ.
ورد: بس أنا مسحتها إمبارح حرام عليكى يا مرات خالي.
منيرة: حرمت عليكي عيشتك بت قليلة الأدب صحيح.. طيب والله لما ييجي خالي لأقوله.
ورد بخوف: لا والنبي خلاص حرمت.. حاضر همسح الشقة بس بلاش خالي وحياة سميحة عندك.
منيرة: طيب يلا إنجرى شوفي اللي وراكي.. أنا رايحة لخالتك عواطف ولو جيت وملقتش حاجة إتعملت قولي على نفسك يا رحمن يا رحيم.
ورد: حاضر يا مرات خالي… بس.. بس….
منيرة: إيه هتبسبسي كتير إخلصي أنا مش فاضيالك.
ورد بخوف وترقب: أصل أنا جعانة يا مرات خالي…..
منيرة: أهو عندك الجبنة متلقحة جوة على البوتاجاز….
ورد: ماشي يا مرات خالي شكراً.
قالت ذلك ثم خرجت من المطبخ….
ورد: جبنة جبنة أحسن من بلاش الحمد لله غيرى مش لاقيها تعالى يا ست جبنة أما أكلك…
قامت ورد بإحضار الخبز وأخذت تأكل بنهم شديد فهي لم تتناول وجبة العشاء البارحة بسبب عقاب زوجة خاليها.
بعد تناولها للطعام ذهبت لمتابعة عملها……
فى فيلا حامد الداغر وفي جناح عصري يخرج من الحمام مرتدياً بورنس الحمام ثم يدلف إلى غرفة الملابس وانتقى منها ما يرتديه وبعد فترة خرج مرتديًا بذلة رمادية ورش عطره ولبس ساعته وألقى نظرة أخيرة على مظهره ثم بعد ذلك نزل للأسفل……
وجد الجميع يتناولون وجبة الإفطار فجلس ببرود يتناول الطعام.
حامد: إتصلت بالشركة بتاعة الإعلانات اللي هتسوقلي الدعايا بتاعة الانتخابات؟
سليم: ايوة يا بابا ما تقلقش كله تمام.
حامد: طيب كويس لأني مش هسمح بغلطة تحصل منافسينا ما هيصدقوا.
مصطفى: لا يا بابا متقلقش أنا روحت إمبارح وشرحتلهم كل حاجة وهروح تانى إن شاء الله دلوقت أظبط معاهم وأتابع الشغل.
حامد: كويس.
صفاء: نفسي تبطلوا كلام في الشغل لما تكونوا قاعدين معانا.
ندى: آه يا ماما والله عندك حق.
مصطفى بسخرية: وهنتكلم فى إيه إن شاء الله كلام فارغ.. عن إذنكوا أنا رايح أشوف اللي ورايا..
قال ذلك ثم غادر خارجاً وصعد إلى سيارته متجهاً إلى الشركة.
عند ندى امتلاكت عينيها بالدموع جراء كلمات مصطفى فهو دائماً لا يراعى مشاعرها أمام الجميع أو حتى بينهم فهي في نظره عبارة عن صفقة أراد والده إكمالها بالزواج منها ومنذ زواجه منها يتعامل معها بآلية شديدة فهو لا يعرف شئ عن المشاعر فيصب جميع اهتمامه على العمل.
هذا ما نشأوا عليه جراء تربية والدهم…….
صفاء بإشفاق وبصوت منخفض: معلش يا حبيبتي….
ندى وهى تحيد عينيها بعيداً حتى لا تظهر دموعها العالقة فيها: لا عادية يا ماما ما تخديش في بالك.
ثم حملت طفلها ذو العامين قائلة: هروح أغير لسليم.
صفاء: ماشي يا حبيبتي.
أما هي صعدت بسرعة للأعلى لغرفتها وهنا أطلقت السراح لدموعها فهى اتخذت من ابنها حيلة لكى تتوارى منهم ولا تريهم معاناتها….
بالأسفل انتهى سليم من طعامه هو ووالده.
حامد: يلا يا سليم بينا على الشركة.
سليم: ماشي يا بابا.. سلام يا ست الكل.
صفاء: سلام يا حبيبي في رعاية الله.
في مركز الشرطة يدلف مراد إلى الداخل ويتوجه لمكتبه لمتابعة مستجدات القضية..
يدلف صديقه عمر إلى الداخل ويلقى عليه التحية.
عمر: إزيك يا صاحبي عامل ايه النهارده؟
مراد: الحمد لله وأخبار الست والدتك إيه؟
عمر: لا كويسة الحمد لله.. تسلم يا شق.
مراد بجدية: ها يا عمر الرجالة اللي مكلفينهم بمراقبة المكان وصلوا لحاجة ولا لسة؟
عمر: لا للأسف لسة من وقت آخر مواجهة ليه مع الشرطة وهما مختفيين عن العين حتى نشاطهم قل مش زي الأول.
مراد بغل: بس يقعوا تحت أيدي والله ما هرحمهم.. هما ليه قرايب بيترددوا عليهم؟
عمر: لا قرايبهم محدش منهم يعرف حاجة عنهم إنت ناسي المداهمة اللي إنت عملتها آخر مرة؟
مراد: بس لسة ما عثرناش في عنوان مراته دي الوحيدة اللي محدش دور عندها تقب وتغطه في الدرا يا عمر وتجيبلي عنوانها.. أنا مش عاوز أي حد من الداخلية يعرف بأي حاجة أنا بعملها.
عمر: طيب إنت شايف إن كدة صح؟
مراد: مليش دعوة باللي يصح وما يصحش.. لو الداخلية وصلت لهم قبلي يبقى كل اللي بعملوا دة راح فشنك.. أنا عاوز أنا اللي أقبض عليهم وأقطع جسمهم حتة حتة قدامهم وهما حيين علشان يدوقوا الكأس اللي دوقوهولي.
عمر: ربنا معاك يا صاحبي أنا خايف عليك من المسائلة القانونية مش أكتر.
مراد: متقلقش أنا مستعد لأي مسائلة قانونية بس أخد ثأري الأول وأبرد ناري منهم.
عمر: وأنا معاك يا صاحبي لحد النهاية.
مراد: تسلملي يا عمر.